特區政府又一糊塗傑作 - 侵犯私隱。

新一屆選委名單一千四百幾人全部確定，選舉事務處亦隨邵將所有選委姓名和私人住址 刊登憲報作為對大眾市民 一個公眾通知。 當看到這一個憲報通知彼，我又睇到特區政府部門另一個混帳及不用腦的做法。

選舉事務將每一個界別選委嘅姓刋登曬出之同時，都將每個選委的私人地址刋出。 我喺度想問下選舉事務處要向公眾交待選委資料，點解你唔係刊登佢哋嘅職業而是刊登佢哋嘅私人地址呢？就以 毛俊輝為例（我不認識他）, 他是 香港話劇團嘅總監，屬演藝文化界，選舉事務處不公開這此有關資料反而公問佢嘅私人地址。 一千四百幾人嘅私人地址刊登咗出嚟，事前有否得到所有選委的同意呢？如果無，又係唔係洩漏咗佢哋嘅私隱呢？

大家都經歷過黑暴事件，警察都唔希望畀人被人起底，而住址就是每個人的私人城堡，不想有人輕易讓人知道。 

我唔清楚以前有冇咁樣做 ，如果有而選舉事務處又 狡辯 佢哋係跟住舊規矩做，咁就更加特顯 選舉事務處嘅無能，無跟上時代的脈搏 。 如果以前冇咁做，今次咁樣做，究竟選舉事務處嘅職員係有咩居心呢？係咪好似傳聞中，特區政府內有一批別有用心嘅職員，刻意咁樣做借意侵犯選委嘅個人私隱 。 由於我沒有 時間做深入調查， 所以唔知道選舉事務處 對上係邊個政策局負責 ， 但我認為政務司司長及有關嘅官員應該正視這個事件而的公眾及受影響的選委作出一個交待， 而私隱專員亦都應該介入調查睇下有冇人違反咗私隱條例。