「庸官滿朝庭，百姓苦無言」

看到朋友轉發過來一篇屈穎妍小姐的文章， 文章內容是講述特區政要求用回港易回港的市民， 在回港後要在六個不同日子，自己進行核酸檢測， 但是六個檢測包並非在入境時候，而是市民要自行在指定的六個日子去郵局，指定診所或者檢疫中心去取，而且每次只能夠取一個，更並非存貨充足，可能要去多幾間才可以取得檢測包。 回家自行檢測之後，又要交返回測中心，換言之，來回共12次。對身壯力健人仕已經是廢時失事的苦差，對長者更可以完全是一個虐民政策。

在未看到這篇文章之前，我還以為雖然香港較為落後，做不到國內人工智能監察，但起碼都應該是在過關時，由衛生署一次個派發六個檢測包給回港人仕嘅人士，在減少行政工序之同時，又可以較為方便市民。其實我這個講法都已經是好土炮， 不過估唔到實際情況是 沒有最差，只有更差。

香港特區作為一個國際大都會， 特首又常自誇其檢疫工作做得好好， 他的支持者更認為特首戰績彪炳，應該爭取繼續連任。 特首是否繼續連任，我冇興趣去研究。 但是在領導下嘅官員的表現，是否真如她說的愛民如子，急市民所急， 或是置人民於水深火熱而不顧呢，則自有公論 。

日前由於財政司派五千蚊出現好多行政上混亂，令到有幾百個老人家攞唔錢，需要親身 去到旺角排隊重新申請，現埸混亂之情製造不少市民嘅怨氣。我見到負責官員在接受電視訪問的時候還晃晃而談， 無承認錯誤不特止，仲理直氣壯地說今次事件令到好多人學到好多嘢， 好似今次事件可以令到班老人家可以學識點樣用電子貨幣似的。我聽到之後心中並沒有火，但有痛，痛心市民何辜受折磨 。

仲有一點係非常重要， 我曾經私下向有 一些友好而不敢發聲的官員打聽有冇其他問題？ 佢居然話「不單是樽的問題，過關時的回港易二維碼亦根本無掃描，其實用截屏都無人知， 難怪中央對特區嘅檢疫 有戒心」。 我唔知這個答案是否屬，我真係好希望特區政府出嚟澄清。 因為如果係事實嘅話， 有一再突顯 特區政府 根本 從無真正 考慮過 市民的福祉，只係敷衍了事， 突顯到 領導班子 嘅能力如何不堪。他的答覆如果屬實，我希望中央政府派人重新審視，現時特區嘅領導班子， 是否需要來一個大換血。

我曾經講過， 香港點解有咁多所謂黃色或者淺黃色反政府人仕。這個問題我引用了一套電影的對白：「丐幫有幾多 弟子， 不是丐幫決定，而是皇帝決定。 因為如果皇帝能夠將天下治理好，天下就傍少咗乞丏， 丐幫自然冇咁多弟子」。 同樣道理，如特區政府治理得好， 就不會有咁多怨氣，亦都唔會有咁多人由藍變黃，被人煽惑去反政府。
在去年 我見到特區政府如此不濟， 一時感慨作咗一首打遊詩「能人皆在野， 庸官滿朝廷， 昏君自得意， 百姓苦無言」， 估唔到今時今日仍然見到我哋特區領導層，不思進取，完全沒有自我檢討去改善， 管治嘅無能的情況，卻 一而再，再而三出現。 朋友問我如何可以改變，我的回應是：希望中央能夠在下屆，協助香港特區選出一個真正愛民如子，急市民所急的特首，而不是一個只為咗自己嘅名聲及權力慾的人去做新一任特首；「 天佑香港！」。